Учениците од IV одд. од ООУ „Александар Урдаревски„ Сандево, остварија средба со градоначалникот Сашко Комненовиќ со кој разговараа за работата и одговорностите на
градоначалник на општина.
Воедно, учениците ги посетија и останатите простории на Општината кадешто е сместена општинската администрацијата и се запознаа со нивната работа.
Придружени од одделенската наставничка и образовниот асистент, целта на посетата беше, одблизу, да се запознаат со работата на градоначалникот и општинската администрација во рамките на предметот Историја и опшество во којшто ги изучуваат општините во Р.С. Македонија.
