Нова пречистителна станица во Кучевишка Бара! 
Започнуваме реализација на нова пречистителна станица во населбата на Кучевишка Бара, која ќе го реши проблемот со третманот на отпадните води на овој дел од општината.
Пречистените води ќе се испуштаат во колекторот што ќе се изгради до реката Серава, а станицата е проектирана да ги исполни релевантните еколошки стандарди.
Овој проект е проектиран за 5.000 жители и ќе се спроведува во две фази:
Фаза 1: Во првата фаза ќе бидат приклучени 3.000 жители.
Фаза 2: Во втората фаза ќе бидат приклучени дополнително уште 2.000 жители.
Како локална самоуправа, ќе продолжиме да вложуваме во современа, одржлива и безбедна инфраструктура која носи придобивки за нашите граѓани.
